Azərbaycan dramaturgiyasının banisi Mirzə Fətəli Axundzadənin Gürcüstan paytaxtındakı Ev Muzeyində təmir-bərpa işləri başa çatmışdır. APA -nın Gürcüstan bürosunun məlumatına görə, təmir-bərpa işləri ARDNŞ-in Gürcüstan nümayəndəliyinin dəstəyi ilə aparılmışdır.

ARDNŞ-in nümayəndəsi Şövqi Mehdizadə bildirmişdir ki, yaxın günlərdə Ev Muzeyinin bərpadan sonra açılışı keçiriləcək: “Mirzə Fətəli Axundzadənin həyat və yaradıcılığının 44 ili Tbilisi şəhəri ilə bağlıdır. Onun Tbilisi mühiti ilə əlaqəsi ömrünün gənc çağlarından başlamışdır. ARDNŞ-in Gürcüstan nümayəndəliyinin bu böyük insanın Ev Muzeyini milli ornamentlərlə bəzədilərək daha gözəl və yaraşıqlı şəkildə bərpa etməkdə məqsədi gələcək nəsillərə babalarımızın mirasını olduğu kimi çatdırmaqdır”.