Bu barədə teatrın lent.az saytı məlumat yaymışdır. Məlumatda bildirilir ki, iyulun 20-dən etibarən teatrın işçiləri məzuniyyətə buraxılacaq. Bundan sonra təmir işlərinin başlanması planlaşdırılır.
Əsaslı təmir Mədəniyyət və Turizm Nazirliyi tərəfindən həyata keçiriləcək. Keçən il teatrın fasadı təmir olunmuş, pəncərələri yenilənmişdi. Bu il isə otaqların, zalın, səhnənin təmiri, yeni texniki avadanlıqların, kondisioner sisteminin quraşdırılması gözlənilir. Yeni teatr mövsümünə kimi təmir işlərinin başa çatması, təbii ki, real deyil. İş çox olduğundan təmir işləri xeyli davam etdiriləcək.
Qeyd edək ki, Mahnı Teatrı 1968-ci ildə dünya şöhrətli korifey sənətkarımız Rəşid Behbudovun təsisçiliyi ilə yaradılıb. O zaman teatr Kukla Teatrının ikinci mərtəbəsində fəaliyyət göstərib. 1988-ci ildə isə hazırda yerləşdiyi binaya köçüb. O vaxtdan indiyədək teatrın binasında əsaslı təmir işləri aparılmayıb.

M.MÜKƏRRƏMOĞLU, "Xalq qəzeti"