Azərbaycan mədəniyyətinin təbliğinə xüsusi həssaslıq ilə yanaşan "Azərsun Holdinq" bu istiqamətdə tez - tez müxtəlif tədbirlər keçirir. Bu dəfə teatrsevərlərə Holdinq Mədəniyyət Mərkəzinin səhnəsində Azərbaycanın ən qədim teatr kollektivlərindən olan və hazırda məcburi köçkünlük həyatı yaşayan Şuşa Musiqili Dram Teatrının səhnələşdirdiyi Nəcəf bəy Vəzirovun "Hacı Qəmbər" tamaşasının nümayişinə təşkilatçılıq etdi. 
Premyerada teatrsevərlər, Şuşa ictimaiyyəti nümayəndələri, müxtəlif gənclər təşkilatlarının üzvləri iştirak edirdi. Tam anşlaq ilə keçən tamaşanın əsas rollarını əməkdar artistlər İqrar Salamov, Yadıgar Muradov, artistlərdən Püstəxanım Zeynalova, Aybəniz Əhmədova, Mətanət Eres, Azad Məmmədov və başqaları ifa etdilər. Premyera böyük rəğbətlə qarşılandı.

Əliqismət BƏDƏLOV, "Xalq qəzeti"