Tanınmış müğənni və bəstəkar Emin Ağalarov sentyabrın 23-də "Baku Crystal Hall"da solo konsert proqramı ilə çıxış edəcəkdir.
AzərTAc müğənninin rəsmi internet saytına istinadla xəbər verir ki, Emin Ağalarov konsertdə dünyaca məşhur müğənni Cennifer Lopezlə eyni səhnəni bölüşəcəkdir.
Emin Ağalarov demişdir: "Mən Cennifer Lopezlə eyni səhnəni bölüşəcəyimə görə çox şadam. Dünyanın ən gözəl və uğurlu müğənnisi ilə eyni səhnəni bölüşmək həm də çox həyəcanlıdır".
Emin Ağalarov, həmçinin Cennifer Lopezlə, hələ 10 il bundan əvvəl tanış olmaq imkanı əldə etdiyini bildirmişdir.
İki sənətçinin tanışlığı isə Cennifer Lopezin brendi JLo ilə işbirliyi müddətində baş vermişdir. "İndi isə biz onunla artıq səhnədə görüşəcəyik və bu çox gözəldir".