Azərbaycan mühəndisləri yüksək manevr qabiliyyətinə malik döyüş maşını hazırlayırlar.
APA-nın məlumatına görə, Müdafiə Sənayesi Nazirliyinin Elmi Tədqiqat İnstitutunun üzərində iş apardığı döyüş maşını 100 faiz yerli istehsal olacaq.
İlk mərhələdə nəqliyyat vasitəsinin iki - kəşfiyyat və döyüş təyinatlı modelləri hazırlanacaq. Sonrakı mərhələdə təkliflərə uyğun olaraq digər təyinatlı maşınların hazırlanması nəzərdə tutulur.
Yerli mühəndislərin hazırladığı bu maşınlar Cənubi Qafqazın digər ölkələrində istehsal edilən "Didgori" (Gürcüstan) və "Ayk" (Ermənistan) kimi maşınlardan manevr imkanları, ballistik müdafiəsi, davamlılığı, eləcə də digər xüsusiyyətlərinə görə üstündür.
Azərbaycan MSN CAR-ın "Paramount Group" şirkəti ilə birgə iki fərqli tipdə - "Matador" və "Marauder" tipli minaya qarşı qorumalı nəqliyyat vasitələrinin istehsalını həyata keçirir.