2010-cu il may ayının 18- dən iyun ayının 18-dək respublikamızda "İnsan hüquqları" aylığı elan edilmişdir. Qax rayonunda da bu istiqamətdə müxtəlif tədbirlər keçirilir. Bu məqsədlə rayon icra hakimiyyəti və rayon prokurorluğunun təşkilatçılığı ilə S.Vurğun adına rayon mədəniyyət evində mədəniyyət işçiləri ilə görüş keçirilmişdir.
Tədbiri giriş sözü ilə rayon mədəniyyət və turizm şöbəsinin inspektoru D.Əzizova açmışdır. Rayon icra hakimiyyəti hüquq şöbəsinin hüquqşünası D.Əminov "Ümumdünya İnsan hüquqları Bəyannaməsi"ndən və "insan hüquqları" aylığının mahiyyətindən danışmışdır.
Rayon prokurorunun köməkçisi R.Qasımov "Azərbaycan Respublikası Konstitusiyasında təsbit olunmuş əsas insan və vətəndaş hüquqları və azadlıqları" mövzusunda mühazirə ilə çıxış etmişdir.
Sonda tədbir iştirakçılarını maraqlandıran suallar cavablandırılmışdır.

Gülçin ƏLİYEVA