"Mən belə boykotları xoşlamıram"
"Azərbaycan tərəfi Avronest Parlament Assambleyasının Bakıda keçirilən II plenar sessiyasında iştirak edən Ermənistan nümayəndələrinin təhlükəsizliyini yüksək səviyyədə təmin etdi". APA-nın xəbərinə görə, bunu Avronest Parlament Assambleyasının (PA) həmsədri Kristian Vigenin PA-nın Bakıda keçirilən 2-ci sessiyasının yekunlarına dair mətbuat konfransında demişdir.
K. Vigenin bildirmişdir ki, əgər Ermənistan Bakıda keçiriləcək "Eurovision-2012" mahnı müsabiqəsində iştirak etsəydi, o zaman bu ölkə təmsilçisinin təhlükəsizliyi də bu cür təmin olunardı: "Mən belə boykotları xoşlamıram".