Azərbaycanın "Eurovision mahnı müsabiqəsi - 2012"-dəki təmsilçisi Səbinə Babayevanın may ayında Bakıdakı şouda ifa edəcəyi mahnının münsiflər heyəti tərəfindən seçimləri aparılır.
Eurovision.az saytı xəbər verir ki, Səbinə Babayevanın Eurovision mahnısı yaxın iki həftə ərzində təqdim olunacaq.
Səbinə Babayeva fevralın 12-də keçirilən milli seçimlərin final mərhələsində 5 ifaçı arasından Azərbaycanın "Eurovision - 2012" təmsilçisi seçilmişdir.
Azərbaycan 57-ci "Eurovision" mahnı müsabiqəsinin mayın 26-da keçiriləcək final mərhələsində çıxış edəcək.