Prezident İlham Əliyevin 2010-cu il oktyabrın 29-da Ağsuya tarixi səfəri zamanı təməlini qoyduğu uşaq-gənclər bədii yaradıcılıq məktəbinin tikintisi başa çatdırılır. Məktəb Heydər Əliyev Fondunun təşəbbüsü ilə tikilir. İkimərtəbəli bina şəhərin şimal hissəsində ayrılmış 0,56 hektar torpaq sahəsində tikilir. Birinci mərtəbədə iclas zalı, qarderob, 2 qrim otağı, 1 dərs otağı, ikinci mərtəbədə isə inzibati otaqlar, 4 sinif otağı və s. vardır. Məktəb binası mərkəzləşdirilmiş istilik sistemi ilə də təchiz edilmişdir.
Uşaq-gənclər bədii yaradıcılıq məktəbinin binası şəhərin ən gözəl tiklilərindəndir. Müasir arxitektura üslubunda inşa edilən obyektin tikintisində milli memarlıq elementlərindən istifadə olunmuşdur ki, bu da tikiliyə xüsusi gözəllik vermişdir.
Heydər Əliyev Fondunun ağsulu uşaq və gənclərə böyük hədiyyəsi olacaq bədii yaradıcılıq məktəbinin gələn ay istifadəyə verilməsi planlaşdırılır.{nl}