İyunun 7-də Bakıda səfərdə olan Norveç Krallığının vəliəhdi Hookon Nobel qardaşlarının Bakıdakı ev-muzeyi "Villa Petrolea" ilə tanış olmuşdur.
Bakı Nobellər İrsi Fondunun prezidenti Toğrul Bağırov Şahzadə Hookonun başçılıq etdiyi, Nobelin varisi, Nobellər Xeyriyyə Fondunun sədri Qustav Nobelin də daxil olduğu nümayəndə heyətini bu evin tarixi ilə tanış etmişdir.
O bildirmişdir ki, 1882-1884-cü illərdə tikilmiş Nobellərin evi 2007-ci ildə Bakı Nobellər İrsi Fondu tərəfindən bərpa edilmişdir. Ev-muzeydə Nobellər ailəsinə məxsus əşyalar toplanmışdır. Bu əşyaların bir qismi dünyanın müxtəlif ölkələrində keçirilən auksionlarda alınmışdır.
T.Bağırov başçılıq etdiyi fondun fəaliyyəti barədə ali qonağa məlumat vermişdir.
Ev-muzeyə ekskursiyada Azərbaycan ziyallarının nümayəndələri də iştirak etmişdir.

AzərTAc