Azərbaycanın ev sahibliyi edəcəyi "Eurovision-2012" mahnı müsabiqəsinin keçiriləcəyi tarix açıqlanıb.
İctimai Televiziya və Radio Yayımları Şirkətinin ictimaiyyətlə əlaqələr və monitorinq şöbəsindən APA-ya verilən məlumatda bildirilir ki, Bakıda keçiriləcək 57-ci "Eurovision" müsabiqəsi mayın 22-də, 24-də və 26-da keçiriləcək. Mayın 22-də müsabiqənin I yarımfinalı, 24-də II yarımfinalı, mayın 26-da isə müsabiqənin final mərhələsi baş tutacaq. Məlumatda o da bildirilib ki, hazırda müsabiqənin keçirilməsinə hazırlıq prosesi davam edir.