Beynəlxalq Mətbuat Mərkəzində sənətşünaslıq üzrə fəlsəfə doktoru Zülfiyyə Eldarqızının Xalq yazıçısı Anarın kino yaradıcılığını əhatə edən "Qəm pəncərəsinin o üzündə" monoqrafiyasının təqdimat mərasimi keçirilib.

 

Kitabın elmi redaktoru akademik Teymur Kərimli, rəyçiləri professor Qulu Məhərrəmli və professor İlham Rəhimlidir. Qeyd edək ki, müəllifin "Qəm pəncərəsinin o üzündə" kitabı Xalq yazıçısı Anarın 80 illik yubileyinə töhfədir. Mərasimdə çıxış edən tanınmış elm və mədəniyyət xadimləri monoqrafiya haqqında fikirlərini  bölüşmüş, müəllifə yeni-yeni  uğurlar arzulamışlar. 

Konfransda, həmçinin Zülfiyyə Eldarqızının elmdə, sənətdə və səhnədəki 20 illik fəaliyyətini əks etdirən "Bütün gözəlliyi Tanrım o sərvinazə verib" adlı kitab da təqdim olunub.

M.MÜKƏRRƏMOĞLU, 

“Xalq qəzeti”