Bu günlərdə “Görkəmli elm adamları” silsiləsindən “Məhərrəm Qasımlı. Ömür yolu və biblioqrafiya” adlı kitab çap olunaraq oxucuların ixtiyarına verilib.

www.science.gov.az saytı yazır ki, Azərbaycan Aşıqlar Birliyinin sədri, Dövlət Mükafatı laureatı, Əməkdar elm xadimi, AMEA Nizami Gəncəvi adına Ədəbiyyat İnstitutunun şöbə müdiri, professor Məhərrəm Qasımlının anadan olmasının 60 illik yubileyi ilə bağlı hazırlanan bu avtobioqrafik əsər görkəmli ziyalı, alim və şairin elmi və ədəbi-bədii fəaliyyətinin mühüm bir qismini əhatə edir.

Kitabda Məhərrəm Qasımlının – Orxan Paşanın ana dilimizlə yanaşı, müxtəlif ölkə və dillərdə nəşr olunan əsərləri haqqında məlumatlar da yer alıb. Nəşr bütövlükdə 13 bölmədən ibarətdir.

Əlipənah BAYRAMOV,
“Xalq qəzeti”