Türkiyəli rejissor Mübarizdən film çəkir

Türkiyəli rejissor Recai Bokurt Azərbaycanın milli qəhrəmanı Mübariz İbrahimov haqqında bədii filmin çəkilişlərinə başlayıb.

Filmin çəkilişləri ilə bağlı Bakıya gələn rejissor Azərbaycan və Türkiyənin mədəniyyət nazirliklərindən dəstək aldığını açıqlayıb.

Recai Bozkurt Mübariz İbrahimovun təkcə Azərbaycanın yox, Türkiyə və bütün türk dünyasının qəhrəmanı olduğunu deyib: "Biz beş min illik bir millətə mənsubuq. Şərəflə doğulduq, şərəflə yaşayıb, şərəflə öləcəyik. Azərbaycanın milli qəhrəmanı bütün türk dünyasının qəhrəmanıdır".

Qeyd edək ki, "Böyük Anadolu" layihəsi çərçivəsində yer alan silsilə filmlərdən ikincisi olan "Qara bayraq: Mübariz İbrahimov" bədii filmi vasitəsi ilə rejissor Qarabağ həqiqətlərinin dünyaya yayılmasını, Azərbaycanın timsalında türk dünyasına qarşı törədilən zülm və haqsızlığın gündəmə gətirilməsinə çalışacaq.

Bu film Recai Bozkurtun Azərbaycanla bağlı sayca ikinci layihəsidir. Bundan əvvəl rejissorun Azərbaycan və Türkiyə həmrəyliyindən bəhs edən "Türk divanına..." adlı klipi yayımlanmışdı. Bildirək ki, Biləsuvar və Qubadan sonra filmin Bakı şəhərində də çəkilişləri nəzərdə tutulub.

M.MÜKƏRRƏMOĞLU,

“Xalq qəzeti”

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında