Fikrət Əmirov adına Gəncə Dövlət Filarmoniyasının böyük səhnəsindən növbəti dəfə muğam sədaları yüksəlib. Bu dəfə Azərbaycanın Xalq artisti Alim Qasımov və qızı, Əməkdar artist Fərqanə Qasımova Gəncədə möhtəşəm konsert proqramı ilə çıxış ediblər. Konsertdə Gəncə Şəhər İcra Hakimiyyətinin başçısı Elmar Vəliyev, şəhər rəsmiləri, ictimayyət nümayəndələri və muğamsevərlər iştirak ediblər.

Alim və Fərqanə Qasımovlar ifa etdikləri muğam parçaları, təsnif, segah və rənglər ilə konsert proqramını əsl musiqi ziyafətinə çeviriblər. Xanəndələrin səsləndirdikləri xalq və bəstəkar mahnıları alqışlarla müşayət olunub.

Qeyd edək ki, bu, ata və övladın Gəncə tamaşaçıları qarşısında ilk çıxışı olmasa da Gəncə Dövlət Filarmoniyasının böyük səhnəsində ilk konsertləri idi.

Alim Qasımov və Fərqanə Qasımova Gəncədən əvvəl Çinin paytaxtı Pekində və Türkiyənin paytaxtı Ankarada konsert proqramı ilə çıxış ediblər.

Hamlet Qasımov,
"Xalq qəzeti"nin bölgə müxbiri