Milli Məclisin iclasında ədliyyə sisteminə həsr olunan xüsusi medal təsis edilməsi müzakirə edilib. Hüquq siyasəti və dövlət quruculuğu komitəsinin sədri Əli Hüseynlinin təqdim etdiyi “Azərbaycan ədliyyəsinin 100 illiyi (1918-2018)” adlı layihə səsə qoyularaq qəbul edilib. Layihəyə əsasən, bu medalla öz vəzifələrini nümunəvi yerinə yetirən, qüsursuz fəaliyyəti ilə fərqlənən ədliyyə orqanları əməkdaşları, hakimlər, ədliyyə və məhkəmə sisteminin inkişafına töhfə vermiş və ədliyyə orqanları ilə səmərəli əməkdaşlıq edən digər şəxslər, habelə beynəlxalq tərəfdaşlar təltif olunur.

Əfsanə BAYRAMQIZI,
“Xalq qəzeti”