“Müasir Azərbaycandan tarixi Şirvanşahlar dövlətinə səyahət” mövzusunda gənc alimlərin beynəlxalq elmi forumu keçiriləcək. Bu il sentyabrın 6-8-i arasında nəzərdə tutulmuş beynəlxalq elmi forum  “İçərişəhər” Dövlət Tarix-Memarlıq Qoruğu İdarəsi və Azərbaycan Milli Elmlər Akademiyasının Gənc Alim və Mütəxəssislər Şurasının birgə təşkilatçılığı ilə Bakıda reallaşacaq.

Forumun əsas məqsədi ölkəmizin orta əsr tarixində mühüm rol oynayan Şirvanşahlar dövlətinə qısa tarixi ekskursiya etmək, gənc təqdiqatçıların həmin dövrlə bağlı araşdırmalarını müzakirəyə çıxarmaq, fikir mübadiləsi aparmaqdır.

Forumun elmi istiqamətləri  “Mədəni, siyasi və iqtisadi tərəqqidə varislik ənənələri: Qədim ipək yolu və BTQ dəmir yolu xətti”, “Klassika və müasirlik - fəlsəfi, dini və ədəbi baxışlar”, “İnteqrativ inkişafın konseptual modeli: Şirvanşahlar dövləti və müasir Azərbaycan” mövzularında  nəzərdə tutulur.

Əfsanə BAYRAMQIZI,
“Xalq qəzeti”