Fidan Hacıyeva Londonda Azərbaycanın ilk qadın bəstəkarlarından olan Ədilə Hüseynzadənin əsərlərindən ibarət konsert verəcək.  Bu  barədə lent.az məlumat yayıb.

 Konsertdə Ədilə xanımın mahnıları Azərbaycan, rus, ingilis dillərində ifa olunacaq. Konsert Əməkdar artist, violonçelist Aleksey Miltıx və Beynəlxalq müsabiqələr laureatı Səidə Tağızadənin (fortepiano) müşayiəti ilə baş tutacaq. Fidan Hacıyeva bildirib ki, bu konsertin keçirilməsində məqsəd Azərbaycanın zəngin mədəni irsini, ölməz sənətkarımızın əsərlərini dünyaya tanıtmaqdır. Fidan xanım onu da əlavə edib ki, bu konsertləri silsilə olaraq Bakıda və dünyanın bir çox ölkələrində davam elətdirmək istəyindədir.

M.MÜKƏRRƏMOĞLU,
“Xalq qəzeti”