A Ç I Q   T E N D E R   E L A N   E D İ R

Tender 5 lot üzrə keçirilir.

 Lot-1. Əlilliyi olan gənclər üçün əmək yarmarkasının keçirilməsi.

 Lot-2. “Gələcəyini sən qur!” intellektual biznes simulyasiya oyununun keçirilməsi.

Lot-3. İnsan hüquqlarına dair gənclərin iştirakı ilə qısametrajlı videoçarxlar müsabiqəsinin keçirilməsi.

 Lot-4. İsmayıllı, Ağsu, Quba və Qusar rayonlarında “Sağlam gələcək üçün zərərli vərdişlərə qarşı birləşək!” devizi ilə maarifləndirici kampaniyaların keçirilməsi.

 Lot-5. Narkomanlığa qarşı mübarizə mövzusunda gənc jurnalistlər arasında ən yaxşı müəllif yazıları müsabiqəsinin keçirilməsi.

 Tender iştirakçılarına təklif edilir ki, “Dövlət satınalmaları haqqında” Azərbaycan Respublikasının Qanununa uyğun olaraq yuxarıda göstərilən lotlar üzrə öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.

Təkliflərin qiymətləndirilməsində aşağıdakı meyarlara üstünlük veriləcəkdir:

-aşağı qiymət, yüksək keyfiyyət, müqavilənin vaxtında yerinə yetirilməsi, analoji işlərdə təcrübəsi və maliyyə vəziyyəti.

Prosedurla əlaqədar əlavə məlumat almaq üçün maraqlananlar 4652155 nömrəli telefonlara (faks:4656438) müraciət edə bilərlər (əlaqələndirici şəxs- Qurbanzadə Fərid Vidadi oğlu). İddiaçılar 1,2 və 5-ci lotların hər biri üçün 50 (əlli) manat, 3 və 4-cü lotların hər birinə isə 100 (yüz) manat məbləğdə iştirak haqqını aşağıda göstərilən hesaba ödədikdən sonra Azərbaycan dilində tərtib olunmuş əsas şərtlər toplusunu Azərbaycan Respublikası Gənclər və İdman Nazirliyindən (Bakı şəhəri, Olimpiya küçəsi 4, II mərtəbə, Sağlam həyat tərzinin təbliği və sosial proqramlar sektorundan) ala bilərlər.

Bank: Dövlət Xəzinədarlıq Agentliyi

Kod : 210005

M/h: AZ41NABZ01360100000000003944

VÖEN: 1401555071

SWIFT: CTREAZ22

Alan müştəri: Azərbaycan Respublikasının Gənclər və İdman Nazirliyi

H/h: AZ50CTRE00000000000002147771

VÖEN: 1500171121

Büdcə səviyyəsinin kodu: 7

Təsnifat kodu: 142340

 İştirak haqqı heç bir halda geri qaytarılmır.

İddiaçılar prosedurda iştirak etmək üçün aşağıdakı sənədləri təqdim etməlidirlər:

- iştirak etmək üçün yazılı müraciət;

- iştirak haqqının ödənilməsi barədə bank sənədi;

-iddiaçının tam adı, hüquqi statusu, qeydiyyatdan keçdiyi ölkə və rekvizitləri;

Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması barədə arayış;

-iddiaçının bir il ərzində (əgər daha az müddət fəaliyyət göstərirsə bütün fəaliyyəti dövründə) maliyyə vəziyyət barədə bank tərəfindən verilmiş arayış;

- təklif (zərflərin açıldığı gündən azı 30 bank günü müddətində qüvvədə olmalıdır);

- təklifin təminatı (zərflərin açıldığı gündən azı 60 bank günü müddətində qüvvədə olmalıdır);

Son bir il ərzində (əgər daha az müddət fəaliyyət göstərirsə bütün fəaliyyəti dövründə)yerinə yetirdiyi analoji işlər haqqında məlumat.

Sənədlər Azərbaycan dilində tərtib olunmalıdır.

İddiaçılar tender prosedurunda iştirak etmək üçün yuxarıda göstərilən ixtisas sənədlərini 9 aprel 2018-ci il saat 18.00-a qədər tender komissiyasına təqdim etməlidirlər. İddiaçılar tender təkliflərini və təklifin 1 faizi məbləğində bank təminatını 17 aprel 2018-ci il saat 18.00-a qədər ikiqat bağlı zərflərdə iki nüsxədə tender komissiyasına təqdim etməlidirlər.

Göstərilən vaxtdan gec təqdim olunmuş zərflər açılmadan qaytarılacaqdır.

Təklif zərfləri iddiaçıların iştirakı ilə 18
aprel 2018-ci il saat 10.00-da Azərbaycan Respublikası Gənclər və İdman Nazirliyində açılacaqdır.

Tender komissiyası