Maddələrin adları                Hesabat dövrü üzrə                            Əvvəlki dövr üzrə               

1              2              3              4              5

Gəlirlər o cümlədən:                            115934.73                              106534.09

Dövlət büdcəsindən ayrılan vəsait  115934.73                              106534.09             

Xərclər, o cümlədən:                           110968.42                             109144.35

Cari işlərə sərf olunan vəsait             89090.24                                74567.83                  

Siyasi partiyanın saxlanmasına və informasiya təminatına çəkilən xərclər               11850.18                                10789.92                 

Aşağı təşkilatlara ödənclər                10028.0                  10740.0     

Ümumi mənfəət (zərər)                       4966.31                   2610.26

MÜSTƏQİL AUDİTORUN HESABATI                                            № 334

Ana Vətən  Partiyasının rəhbərliyinə

Biz, Ana Vətən Partiyasının 31 dekabr 2015-ci il tarixə balans, mənfəət və zərər, kapitalda dəyişikliklər və pul vəsaitlərinin hərəkəti haqqında maliyyə hesabatlarının auditini apardıq.

Maliyyə hesabatları üzrə rəhbərliyin məsuliyyəti

Rəhbərlik göstərilən maliyyə hesabatlarının “Beynəlxalq Maliyyə Hesabatı Standartları”na uyğun olaraq hazırlanması və düzgün təqdim edilməsi üzrə məsuliyyət daşıyır. Bu məsuliyyətə yaranmasından asılı olmayaraq, əhəmiyyətli səhvlər olmayan maliyyə hesabatlarının hazırlanması və düzgün təqdim edilməsi üçün müvafiq daxili nəzarətin təşkili, tətbiqi,  saxlanması, müvafiq uçot siyasətinin seçilməsi, tətbiqi və  müəyyən şəraitə münasib  uçot ehtimallarının müəyyən edilməsi daxildir.

Auditorun məsuliyyəti

Bizim vəzifəmiz apardığımız audit əsasında həmin maliyyə hesabatları üzrə rəy ifadə etməkdir. Biz auditi Beynəlxalq Audit Standartlarına uyğun aparmışıq. Həmin standartlar bizdən etik normalara riayət etməyi, auditin planlaşdırılması və aparılmasını maliyyə hesabatlarında əhəmiyyətli səhvlərə yol verilmədiyinə kifayət qədər əmin olacaq tərzdə həyata keçirməyi tələb edir.

Auditə maliyyə hesabatlarında göstərilən məbləğlər və açıqlamalar barədə audit sübutunun əldə edilməsi üçün prosedurların həyata keçirilməsi daxildir. Seçilmiş prosedurlar, eləcə də yaranmasından asılı olmayaraq, maliyyə hesabatlarının əhəmiyyətli səhvlər riskinin qiymətləndirilməsi auditorun mühakiməsindən asılıdır.Risklər qiymətləndirilərkən audit prosedurlarının işlənib hazırlanması məqsədilə Partiyanın maliyyə hesabatlarının hazırlanması və düzgün təqdim edilməsinə aid olan daxili nəzarət elementləri nəzərə alınmış, lakin bu zaman partiyanın daxili nəzarət sisteminin səmərəliliyi haqqında rəy bildirmək məqsədi güdülmür.

Auditə, həmçinin, tətbiq edilmiş uçot prinsiplərinin və rəhbərlik tərəfindən edilmiş mühüm ehtimalların qiymətləndirilməsi, o cümlədən ümumilikdə maliyyə hesabatlarının təqdim edilməsi üzrə qiymətləndirmənin aparılması daxildir.

Biz hesab edirik ki, əldə etdiyimiz audit sübutu rəyimizin bildirilməsi üçün yetərli və müvafiq əsası təmin edir.

RƏY

Bizim fikrimizcə, təqdim edilən maliyyə hesabatları bütün əhəmiyyətli aspektlər baxımından Ana Vətən Partiyasının 31 dekabr 2015-ci il tarixə maliyyə vəziyyətini və həmin tarixdə tamamlanan il üzrə maliyyə nəticələrini və pul vəsaitlərinin hərəkətini Beynəlxalq Maliyyə Hesabatı Standartlarına uyğun olaraq düzgün əks etdirir.

Müstəqil auditorun hesabatı 14.03.2016-cı il tarixdə eyni qüvvəyə malik iki nüsxədə tərtib edilmişdir. Bunlardan biri sifarişçi - təsərrüfat subyektində, ikincisi isə “Şəfəq Audit Konsaltinq” MMC-də saxlanılır.

“Şəfəq Audit Konsaltinq” MMC-nin auditoru:

A. A. Ağayev