Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri  Kərəm Həsənov avqustun 22-də saat 11:00-da Qax şəhərində növbəti vətəndaş qəbulu keçirəcək.

Komitənin mətbuat xidmətindən AzərTAc-a bildiriblər ki, Qax şəhərindəki Heydər Əliyev Mərkəzində keçiriləcək qəbulda Qax, Zaqatala, Balakən və Şəki rayonlarından olan vətəndaşların müraciətlərinə baxılacaq.

 Qəbula yazılmaq istəyən vətəndaşlar komitənin [email protected] elektron ünvanına yaza və qurumun aparatı (012) 490 24 08 (daxili 105, 102 və 349), Daşınmaz Əmlakın Dövlət Reyestri Xidmətinin 12 saylı (Şəki) ərazi idarəsi: (2424) 4-26-20, 4-25-92) ilə əlaqə saxlaya bilərlər.