1.Azərbaycan Respublikasının Qiymətli Kağızlar üzrə Dövlət Komitəsi komitənin inzibati binasının yeni telefon stansiyası ilə təchiz edilməsi məqsədilə telefon stansiyasının və telefon aparatlarının satınalınması üçün açıq tender keçirir.
2.Tender proseduru 6 iyul 2010-cu il saat 15:00-da Azərbaycan Respublikasının Qiymətli Kağızlar üzrə Dövlət Komitəsinin inzibati binasında (Bakı şəhəri, Bülbül prospekti, 19) keçiriləcəkdir.
3.İddiaçının telefon stansiyasının quraşdırılması sahəsində iş təcrübəsi olmalıdır. Belə təcrübəsi olmayan iştirakçılar tenderdə iştirak edə bilməzlər.
4.Tenderdə iştirak etmək üçün iddiaçı aşağıdakı sənədləri təqdim etməlidir:
-tenderdə iştirak üçün yazılı müraciət;
-tenderdə iştirak haqqının ödənilməsini təsdiq edən bank sənədi;
-Azərbaycan dilində iki nüsxədə (əsli və surəti) tender təklifi;
-tender təklifinin qiymətinin 2 faizi həcmində bank zəmanəti (zərflərin açıldığı gündən ən azı 60 bank günü müddətində qüvvədə olmalıdır);
-iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notariat qaydasında təsdiq edilmiş surətləri;
-Azərbaycan dilində iki nüsxədə (əsli və surəti) tender təklifi. Təklif tender zərflərinin açıldığı gündən sonra 30 bank günü qüvvədə olmalıdır;
-tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
-iddiaçının son bir ildəki maliyyə vəziyyəti haqqında bank arayışı;
-Azərbaycan Respublikasında vergilərə dair yerinə yetirilməsi vaxtı keçmiş öhdəliklərin olmaması haqqında vergi orqanının arayışı.
5.İddiaçı tender təklifini və tender təklifinin bank təminatını ən geci 5 iyul 2010-cu il saat 18.00-dək möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən geci 25 iyun 2010-cu il saat 18.00-dək möhürlənmiş, imzalanmış, yazılı surətdə bağlı zərfdə Azərbaycan Respublikasının Qiymətli Kağızlar üzrə Dövlət Komitəsinə təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderdən kənarlaşdırılacaqdır.
6.Telefon stansiyasının və telefon aparatlarının quraşdırılma yeri: Azərbaycan Respublikası Qiymətli Kağızlar üzrə Dövlət Komitəsinin inzibati binası.
7.Telefon stansiyasının və telefon aparatlarının quraşdırılmasının başlanma vaxtı: tender üzrə satınalma müqaviləsi imzalandığı gündən.
8.Telefon stansiyasının və telefon aparatlarının quraşdırılması müddəti: 2 (iki) ay.
9.Qiymətləndirilmə və üstünlük verilən meyarlar:
-sərfəli qiymət
-yüksək keyfiyyət
-bu sahədə iş təcrübəsi
-icra müddəti
10.İddiaçılar tenderdə iştirak haqqı kimi Azərbaycan Respublikasının Qiymətli Kağızlar üzrə Dövlət Komitəsinin aşağıdakı hesabına 350 (üç yüz əlli) manat məbləğində vəsait köçürməlidirlər:
B1.Benefisiar (alan) bank
Adı Azərbaycan Beynəlxalq Bankı
Kod - 805722
müxbir hesab - 0137010002944,
VÖEN - 9900001881
SWİFT - İBAZAZ 2 X
B2.Alan müştəri
Adı MN DXA-nin 1 saylı Xəzinədarlıq İdarəsi
Hesab N-si -33205019449328518204
VÖEN - 1700986181
11.Tenderdə iştirak etmək istəyən hər bir şəxs iştirak haqqının ödənilməsi barədə bank arayışını təqdim edərək Azərbaycan Respublikasının Qiymətli Kağızlar üzrə Dövlət Komitəsinin Bakı şəhəri, Bülbül prospekti, 19 nömrəli ünvanında yerləşən inzibati binasından tenderin əsas şərtlər toplusunu (azərbaycan dilində) əldə edə bilər.
12.Tender üzrə əlaqələndirici şəxs:
Eynur Hacıyev (İnformasiya texnologiyaları və təminat şöbəsinin müdiri vəzifələrini icra edən)
Telefon: (+99412) 493 50 58 (233)
Fax: (+99412) 493 03 23

Tender komissiyası